HITZALDIA
Data: Maiatzak 6
Lekua Donostiako Udal Batzar Aretoa
Txetxenia, Yemen, Balutxistan, Somalia, Sri Lanka,...ia ez dugu gatazka horiei buruzko berririk izan; herrialde horietako biztanleak hainbeste urtetako gatazken ondorio larriak sufritzen ari dira, baita ahanzturarenak ere. Zergatik isilarazten dira gatazka horiek eta zergatik agertzen dira beste gatazka batzuk egunero komunikabideetan? Askotan gatazkak terrorismora, etnia arazoetara edota barne-arazoetara murrizten dituen diskurtso ofizialaren atzean bestelako interesak ezkutatzen dira. Zer dago aipatutako gatazkei eta beste askori buruzko isiltasunaren atzean?
Hizlaria: Manuela Mesa
Nazioarteko gatazketan eta garapenean eta bakean oinarritutako hezkuntzan aditua. CEIPAZ-Cultura de Paz Fundazioaren zuzendaria, Bakearen aldeko Ikerketako Espainiako Elkartearen presidentea eta irakaslea izateaz gain, hainbat master, ikastaro eta mintegi eskaintzen ditu.